رسالة بريح المسك لشعب المملكة

اخوانا اهل المملكه

تدرون قمت احسدكم من كثر مالقيت مدافعين عنكم ما شاء الله

ثبت ان الدنيا بخير

وماعليكم مايصح الى الصحيح ان شاء الله والمخطي ماراح تطوف له السالفه مرده بيتحاسب من الجهات المختصه ..

إن رفعتها للشارب و إن طمنتها للحية

فمسحوها بوجهنا نمون عليكم

فأهل عمان موقفهم مشرف ضد هالمسيء وهذا دليل محبتهم لكم ولا هو بطبع شعب السلطنه الحبيب الاساءه

والاداره ان تقاعست مع المسيء أو ان تواطئت معاه

فهم بعد سيحاسبون بعد لا تعتقدون ان ماتم كتابته بيمر مرور الكرام

القانون العماني صارم جدا بهالامور ولا يرضون بالغلط لاي شخص على اي بلد


وابشركم والله في عمان الخير الخيرين واجد وياكثرهم تواصلو معاي ازروني وشدو على ايدي ومستائين من ماتفوه فيه هالمعتوه وهذا لو يعرف مصلحته ماجان كتب ماكتبه

وصدقوني يا أهل المملكه ان هالشخص مثال سيء لنفسه ( وقلتها بالموضوع وقلتها بالشكوى أنه مو عماني هذا تلقونه مقيم وحاقد ) ولا يعم على العموم لان اخوانا بالسلطنه سيوف مجربه ماتبدر منهم السيئه اطلاقا

وقريبا ستجدون رد طيب في جريدة الكترونيه أشرح الموضوع كامل عن هالدخلاء علينا الخليج واحد ولا يزعزعكم رأي شخص أجزم أنه مقيم ويبي يثير الفتن وكلنا لاحظنا أنه شخص مسير مو مخير قصده الاسائه ولا حتى قبل بنصحنا له

عامتا

عـــاشــق و مــعــشــوق

لبـى عيونـك يـا عيونـي فديـتـك

....................................... يا نبض نبضي يا بعـد كـل مخلـوق

إن جيتك تجينـي وإذا رحـت جيتـك

....................................... يعني طفاقة حب فـي راس مطفـوق

زينك وحكيـك يـا غناتـي وصيتـك

....................................... حكاية العالـم حـدث غيـر مسبـوق

ثقلـك وممشـى خطوتـك واتيكيتـك

....................................... شيٍّ يخلـي حافـظ القلـب مسـروق

يا سلعةٍ مـن يـد غيـري شريتـك

....................................... شريتها مـن قبـل لا تنـزل السـوق

لا قلـت فارقنـي ترانـي نسيـتـك

....................................... حاول تصدقني لأجل خاطـر الشـوق

وإن قلـت هديتـك بعـد مـا بنيتـك

....................................... حـاول تحملنـي مشاريـه وحقـوق

يا شاغلـي ليتـك... وليتك...وليتـك

....................................... ...تفهم لا صار الحب عاشق ومعشوق

إنـي بعـد يـا شاغلـي مـا لقيتـك

....................................... فهمت معنـى كـل مطـرود ملحـوق

تعشق سعوديتي وأنا أعشـق كويتـك

....................................... والله يستر لا يجـي الطـاق مطقـوق

ربي يحفظ بلاد التوحيد ويحرسها من كل مكروه
ونعلم علم اليقين من مايحيكه لكم الصفويون والخوارج
بس لا تقذف سوى الشجار المثمره
ربي يحفظكم ياشعب المملكه